• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان سے ایران، عراق جانیوالے زائرین کو فضائی سفر کی سہولت کیلئے اہم فیصلہ

آج کا اخبار
ملک بھر سے
01 اگست ، 2025
اسلام آباد (این این آئی)پاکستان سے ایران اور عراق کے لیے جانے والے زائرین کو فضائی سفری سہولت فراہم کرنے کے لیے اہم فیصلہ کرلیا گیا ہے۔میڈیا رپورٹ کے مطابق پاکستان سول ایوی ایشن اتھارٹی (پی سی اے اے) نے تمام آپریٹرز کو پاکستان سے ایران اور عراق کے لیے چارٹر سروسز شروع کرنیکی دعوت دے دی ہے۔متعلقہ حکام ایران اور عراق جانے والے زائرین کو نقل و حمل کے لیے خصوصی طور پر فضائی رابطے کے ذریعے سہولت فراہم کریں گے۔پی سی اے اے کی جانب سے کہا گیا کہ پاکستان سے ایران اور عراق کے لیے چارٹر سروسز شروع کرنے کی دعوت دیتے ہیں، درست ایئر چارٹر لائسنس رکھنے والے آپریٹرز اپنی درخواستیں جمع کروا سکتے ہیں۔پی سی اے اے کی جانب سے کہا گیا کہ مذہبی سیاحت سے متعلق تمام درخواستوں کی منظوری کویقینی بنایا جائے گا۔یاد رہے کہ وفاقی حکومت کی جانب سے رواں سال زائرین کی حفاظت کے پیش نظر سڑک کے ذریعے ایران اور بعد ازاں وہاں سے عراق جانے کے خواہشمند زائرین کو بذریعہ سڑک سفر سے روک دیا گیا تھا۔
ملک بھر سے سے مزید