فرمان الہی
نماز کے اوقات
اسرائیلی سیکیورٹی کابینہ کی غزہ پر عسکری قبضے کے منصوبے کی منظوری پر فلسطینی مزاحمتی گروپ حماس کی جانب سے ردعمل کا اظہار کیا گیا ہے۔
حماس نے اپنے نئے بیان میں کہا ہے کہ اسرائیلی جارحیت کا جواب بھرپور مزاحمت سے دیا جائے گا۔
یاد رہے کہ اسرائیلی سیکیورٹی کابینہ نے نیتن یاہو کے غزہ پر فوجی کنٹرول کے متنازع منصوبے کی منظوری دے دی ہے۔
اسرائیلی وزیراعظم نیتن یاہو کا کہنا ہے کہ اپنی سلامتی یقینی بنانے کے لیے غزہ پر کنٹرول حاصل کرنا چاہتے ہیں۔
اسرائیلی وزیراعظم کے دفتر کی جانب سے جاری کیے گئے ایک بیان کے مطابق اسرائیلی سیکیورٹی کابینہ نے غزہ میں جنگ کے خاتمے کے لیے پانچ نکاتی منصوبہ دیا ہے۔
نکات میں ایک ایسی سول انتظامیہ کا قیام ہے جس میں نہ حماس اور نہ ہی فلسطینی اتھارٹی ہو، غزہ میں اسرائیلی سیکیورٹی کنٹرول، حماس کو غیر مسلح کرنا، زندہ اور مردہ تمام یرغمالیوں کی حوالگی اور غزہ کو اسلحہ سے پاک کرنا شامل ہے۔
