فرمان الہی
نماز کے اوقات
راولپنڈی ( آن لائن ) راولپنڈی میڈیکل یونیورسٹی میں ڈائریکٹر جنرل انٹر سروسز پبلک ریلیشنز ( آئی ایس پی آر ) کی طلبہ و طالبات سے خصوصی نشست کا انعقاد کیا گیا۔ اس موقع پر ڈی جی آئی ایس پی آر لیفٹیننٹ جنرل احمد شریف چوہدری نے نوجوان طلبہ سے کھل کر بات چیت کی اور ان کے سوالات کے جوابات دیئے۔نشست میں شریک طلبہ نے اس سیشن کو بھرپور انداز میں سراہتے ہوئے کہا کہ ایسی نشستوں کا انعقاد موجودہ دور کی اہم ضرورت ہے۔طلبہ نے اپنے جذبات کا اظہار کرتے ہوئے واضح کیا کہ وطن دشمن عناصر چاہے جتنی بھی کوشش کر لیں وہ نوجوان نسل کو اپنی افواج سے دور نہیں کر سکتے، نوجوانوں نے جوشیلے انداز میں کہا کہ افواج ہم سے ہیں اور ہم افواج سے ہیں، طلبہ نے کہا کہ پاکستان کے خلاف اٹھنے والی ہر میلی آنکھ کے مقابلے میں ہم اپنی افواج کے ساتھ یکجہتی کا اعلان کرتے ہیں۔ اس موقع پر طلبا نے پاک فوج کے ساتھ اپنی مکمل یکجہتی کا اظہار کیا اور قومی جذبے سے سرشار ہو کر اپنی وفاداری کا اعادہ کیا۔
