فرمان الہی
نماز کے اوقات
اسلام آباد (نیو زرپورٹر)وزیر دفاع خواجہ محمد آصف نے کہا ہے کہ بھارتی فضائیہ کے سربراہ کا بیان بھارت میں مودی کی شمشان گھاٹ میں جلی اور راکھ ہوئی سیاست کو زندہ کرنے کی ناکام کوشش ہے۔ ایسی بھونڈی کوشش نے بھارت کی رہی سہی ساکھ کو بھی مٹی میں ملا دیا۔اتوار کو سوشل میڈیا ایکس پر اپنی پوسٹ میں انہوں نے کہا کہ تین ماہ کے بعد بھارتی ائیر چیف خواب خرگوش سے جاگ اٹھے اور انہیں خیال آیا کے انہوں نے پاکستانی طیارے تباہ کیے۔ ان کا بیان بھارت میں مودی کی شمشان گھاٹ میں جلی اور راکھ ہوئی سیاست کو زندہ کرنے کی ناکام کوشش ہے۔انہوں نے کہا کہ مودی وطن میں اور دنیا میں ٹکے ٹوکری ہو چکے ہیں، ایسی بھونڈی کوشش نے بھارت کی رہی سہی ساکھ کو بھی مٹی میں ملا دیا۔
