فرمان الہی
نماز کے اوقات
بھارت میں یوم آزادی کی تقریبات کے موقع پر شہر جودھپور میں وزیراعلیٰ راجستھان کے قافلے کے لیے ٹریفک روٹ تبدیل کرنے کے بعد ایک تیز رفتار گاڑی نے موٹر سائیکل سوار تین طلبہ کو کچل ڈالا۔
غیر ملکی میڈیا ’دی فری پریس جرنل‘ کے مطابق یہ واقعہ ایئرپورٹ تھانہ کے علاقے میں پیش آیا جب طالبِ علم برکت اللّٰہ خان اسٹیڈیم میں یومِ آزادی کی تقریب میں شرکت کے لیے آئے اور وزیراعلیٰ بھجن لال شرما اسی روٹ سے شہید سمارک جار رہے تھے۔
قافلے کی تیز رفتار گاڑی نے طالبِ علم کو ٹکر مار دی جس کے نتیجے میں برکت اللّٰہ موقع پر بھی جاں بحق ہو گیا۔
بھارتی میڈیا روپورٹس کے مطابق جاں بحق بچے کے لواحقین نے انتظامیہ پر سنگین غفلت کا الزام لگایا ہے۔
جاں بحق طالب علم کی بہن کومل کا بیان
کومل کا کہنا ہے کہ جب ہم موقع پر پہنچے تو میرے بھائی کی لاش سڑک پر پڑی تھی جبکہ اس کے دوست پردیپ اور مہاویر زخمی تھے، موقع پر موجود پولیس نے سرد مہری کا مظاہرہ کیا اور ہماری ایک التجا نہیں سنی۔
میڈیا رپورٹس کے مطابق پولیس کی جانب سے تیار کی گئی ابتدائی رپورٹ میں یہ واضح نہیں ہوسکا کہ موٹر سائیکل پر سوار تینوں لڑکوں کو ٹکر مارنے والی گاڑی بجری سے بھرا ڈمپر تھا، بس تھی یا پھر وزیرِاعلیٰ کے قافلے میں شامل کوئی تیز رفتار گاڑی۔
