شیخوپورہ(نمائندہ جنگ سے)محکمہ اینٹی کرپشن نے دو مختلف مقامات پر چھاپے مار کر کرپشن کے مقدمات میں ملوث محکمہ مال کے پٹواری مہدی حسن اور محکمہ تعلیم کے کلرک ابرار ورک کو گرفتار کرلیا ہے وہ کرپشن کے پرانے مقدمات میں کافی عرصہ سے مطلوب تھے، انہیں سرکل آفیسر اینٹی کرپشن ضیغم خلیل کی سربراہی میں کام کرنیوالی ٹیم نے گرفتار کیا ہے، دریں اثناء محکمہ اینٹی کرپشن نے سینئر کلرک سی سی پی او آفس محمد ایوب ہاشمی کی ضلع شیخوپورہ میں تمام ممکنہ املاک کے بارے میں محکمہ مال کے حکام سے رپورٹ طلب کرلی ہے محکمہ اینٹی کرپشن کے ذرائع نے بتایا ہے کہ محمد ایوب ہاشمی کے خلاف ناجائز ذرائع سے اثاثے بنانے اور اختیارات کا غلط استعمال کرنے سمیت کئی الزامات کی تحقیقات ڈپٹی ڈائریکٹر انویسٹی گیشن کی سبربراہی میں ایک ٹیم کررہی ہے جس نے ایوب ہاشمی اور اس کے خاندان کے افراد کے نام پر خریدی گئی املاک کے بارے میں رپورٹ طلب کی ہے۔
فرمان الہی
نماز کے اوقات
