فرمان الہی
نماز کے اوقات
پاکستان اور بنگلادیش کے درمیان وفود کی سطح کے مذاکرات شروع ہو گئے ہیں۔
ترجمان دفتر خارجہ کا بتانا ہے کہ ڈھاکا میں پاکستان اور بنگلادیش کے وفود کے اعلیٰ سطح مذاکرات جاری ہیں۔
پاکستانی وفد کی قیادت نائب وزیراعظم و وزیرِ خارجہ سینیٹر اسحاق ڈار کر رہے ہیں جبکہ بنگلادیش کی طرف سے وفد کی قیادت مشیر خارجہ امور محمد توحید حسین کر رہے ہیں۔
مذاکرات میں دوطرفہ تعلقات، اقتصادی و تجارتی تعاون اور علاقائی مسائل پر بات چیت کی جائے گی۔
اس سے پہلے نائب وزیراعظم اور وزیر خارجہ اسحاق ڈار کی بنگلادیش کے مشیر تجارت شیخ بشیر الدین سے ملاقات ہوئی، اس ملاقات میں اقتصادی اور تجارتی تعاون کو فروغ دینے کے طریقوں پر تبادلہ خیال کیا گیا۔
اس موقع پر تجارت کو بڑھانے اور رابطوں کو مزید فروغ دینے سے متعلق بھی خصوصی گفتگو کی گئی۔
ناشتے پر ہونے والی ملاقات میں چیئرمین بنگلادیش انویسٹمنٹ ڈیولپمنٹ اتھارٹی، گورنر بنگلادیش بینک، چیئرمین نیشنل بورڈ آف ریونیو سمیت دیگر حکام بھی موجود تھے۔
