فرمان الہی
نماز کے اوقات
پاکستان کے معروف گلوکار و اداکار علی ظفر نے بالی ووڈ فلم سَیّارہ کے مشہور گانے کا کور پیش کردیا، جس پر مداحوں اور سوشل میڈیا صارفین کی جانب سے ملا جلا ردعمل سامنے آیا ہے۔
بھارتی فلم سَیّارہ 18 جولائی کو ریلیز ہوئی تھی، اس رومانوی میوزیکل ڈرامہ فلم میں نئے اداکار اہان پانڈے اور انیت پڈا نے ڈیبیو کیا ہے، فلم کو بھارت سمیت بیرونِ ملک بھی خوب پزیرائی ملی جبکہ اس کے گانے بھی خاصے مقبول ہوئے۔
علی ظفر نے گانا گاتے ہوئے ویڈیو سوشل میڈیا پر شیئر کی جس پر انہوں نے لکھا کہ بہت کم نئے گانے مجھے متاثر کرتے ہیں، لیکن جب میں نے اس گانے کا ایک اے آئی ورژن اپنے پسندیدہ گلوکار کشور کمار کی آواز میں سنا تو یہ دل میں اتر گیا، بس پھر مجھے بھی یہ گانا گانے کی خواہش ہوئی۔
علی ظفر کا کور سانگ سامنے آتے ہی مداحوں اور صارفین کی جانب سے مختلف آرا سامنے آئیں، کچھ افراد نے گلوکار کو تنقید کا نشانہ بنایا اور کہا، ’شکر ہے آپ نے گانا نہیں گایا، کاش یہاں ڈس لائیک کا بٹن ہوتا‘، جبکہ کچھ مداحوں نے علی ظفر کے انداز کو سراہتے ہوئے کہا، ’انہوں نے گانے کو بالکل اپنے انداز میں گایا ہے۔‘
