شیخوپورہ (نمائندہ جنگ ) لاہور روڈ کی آبادی چھٹہ کالونی میں تھانہ منانواں پولیس کا عملہ خاتون شازیہ بی بی کے گھر میں داخل ہو کر وہاں سے لاکھوں روپے مالیت کے کرنسی نوٹ، زیورات اور دیگر سامان نکال کر لے گیا۔ فیکٹری ایریا پولیس نے ایس ایچ او تھانہ منانواں شاہد سمیت 11ا فراد کے خلاف مقدمہ درج کر لیا ہے۔ امامیہ کالونی میں دو ڈاکو مقامی شہری عمر شہزاد کے گھر میں داخل ہو کر وہاں سے 30ہزار روپے لوٹ کر فرار ہو گئے۔ آبادی ڈیرہ غریب عالم کے قریب 3ڈاکو مقامی شہری علی حسین سے اس کی موٹر سائیکل چھین کر فرار ہو گئے۔ حافظ آباد روڈ پر جھراں کے قریب 5ڈاکوئوں نے ایک کار کو روک کر اس میں سوار زمیندار اختر حسین سے ایک لاکھ 8ہزار روپے اور دو موبائل فون چھین لیے اور فرار ہوگئے۔ جی ٹی روڈ پر منوآباد کے قریب 5مسلح افراد نے ایک کار کو روک کر اس میں سوار تاجر شہزاد احمد سے 8لاکھ روپے ، لائسنس یافتہ کلاشنکوف رائفل چھینی اور فرار ہو گئے۔
فرمان الہی
نماز کے اوقات
