فرمان الہی
نماز کے اوقات
کراچی (اسٹاف رپورٹر ) سلطان آباد سے پر اسرار طور پر لاپتہ ہونے والے بچے کی لاش اتوار کی شب گٹر لائن سے مل گئی ۔ تفصیلات کے مطابق ڈاکس کے علاقے سلطان آباد نیو حاجی کیمپ حبیب اسکول کے قریب گٹر لائن سے لاش کی اطلاع ملنے پر پولیس اور ریسکیو عملہ موقع پر پہنچ گئے ۔ پولیس نے ریسکیو رضا کاروں کی مدد سے لاش کو نکال کر سول اسپتال منتقل کیا ۔ ریسکیو حکام کے مطابق بچے کی شناخت ابوبکر کے نام سے کی گئی ۔ ایس ایچ او نند لا ل نے بتایا کہ لاش دو روز پرانی ہے ۔ بچے کی وجہ موت فوری طور پر سامنے نہیں آسکی ہے ۔ بچہ دو روز قبل لاپتہ ہوگیا تھا جس کا مقدمہ درج کرلیا تھا تاہم اس کی لاش گٹر سے ملی ۔ ممکنہ طور پر بچہ کھیلتے ہوئے گٹر میں گر کر جاں بحق ہوگیا ہو ۔ فوری طور پر بچے کی وجہ موت کا تعین نہیں ہوسکا ہے ۔ پوسٹ مارٹم رپورٹ کے بعد وجہ موت کا تعین ہوگا ۔ واقعے کی مزید تفتیش کا عمل جاری ہے ۔
