فرمان الہی
نماز کے اوقات
امریکی صدر ڈونلڈ ٹرمپ نے وائٹ ہاؤس میں پولینڈ کے صدر کیرول ناروکی سے ملاقات کی۔
اس موقع پر امریکی صدر ٹرمپ نے کہا کہ چین کی فوجی پریڈ کی تقریب خوبصورت اور بے حد متاثر کن تھی۔
ان کا کہنا ہے کہ چینی صدر کی تقریر دیکھی، صدر شی جن پنگ میرے دوست ہیں، ان کی تقریر میں امریکا کا ذکر ہونا چاہیے تھا۔
ٹرمپ نے کہا کہ امریکا نے چین کی بہت زیادہ مدد کی تھی، اگلے ایک دو ہفتے میں معلوم ہو گا کہ روس سے تعلقات کتنے اچھے ہیں، آنے والے دنوں میں روسی صدر پیوٹن سے بات کروں گا۔
امریکی صدر کا مزید کہنا ہے کہ روسی صدر پیوٹن کے لیے کوئی پیغام نہیں ہے، روسی صدر کو معلوم ہے کہ میرا کیا مؤقف ہے، وہ صرف کسی نہ کسی طرح فیصلہ کر لیں گے۔
ٹرمپ نے یہ بھی کہا کہ روس کا جو فیصلہ ہو گا ہم اس پر خوش ہوں گے یا ناخوش، اگر ہم ناخوش ہوئے تو آپ چیزیں ہوتی دیکھیں گے۔
