فرمان الہی
نماز کے اوقات
چیئرمین پیپلز پارٹی بلاول بھٹو زرداری نے وزیر اعظم شہباز شریف سے ٹیلی فونک رابطہ کیا۔
پارٹی اعلامیہ کے مطابق بلاول بھٹو نے قصور میں سیلاب متاثرین سے ملاقات کے بعد وزیراعظم سے رابطہ کیا اور پنجاب بھر کے کسانوں کے مسائل سے آگاہ کیا۔
اعلامیہ کے مطابق بلاول بھٹو نے کہا کہ موجودہ سیلاب کی وجہ سے پنجاب میں زراعت کے شعبے کو شدید نقصان پہنچا ہے، وفاق پنجاب کی صوبائی حکومت کے ساتھ مل کر صوبے کے کسانوں کو ریلیف فراہم کرے۔
انھوں نے کہا کہ پنجاب میں آفت زدہ اضلاع کے کسانوں کے بجلی کے بل معاف کیے جائیں، زرعی قرضوں کی ادائیگی آفت زدہ اضلاع کے کسانوں کیلئے بڑا مسئلہ ہے۔
بلاول بھٹو نے کہا کہ سیلاب متاثرین کو زرعی قرضوں کی ادائیگی کو معاف کیا جائے یا تاخیر سے ادائیگی کی رعایت دی جائے، آفت زدہ اضلاع کے کسانوں کی داد رسی کیلئے بینظیر انکم سپورٹ پروگرام کے تحت نقد رقم دی جائے۔
