فرمان الہی
نماز کے اوقات
برطانوی بینڈ کولڈ پلے کے کنسرٹ میں پیش آنے والے وائرل اسکینڈل کے بعد سابق ایچ آر ایگزیکٹو کرسٹن کیبوٹ نے اپنے شوہر اینڈریو کیبوٹ سے باضابطہ طور پر طلاق کے لیے عدالت سے رجوع کرلیا۔
برطانوی اخبار ڈیلی میل کے مطابق کرسٹن کیبوٹ نے 13 اگست 2025ء کو طلاق کی درخواست دائر کی، جو کہ جولائی میں ہونے والے متنازع واقعے کے ایک ماہ بعد ہے۔
میڈیا رپورٹس کے مطابق کرسٹن اور اینڈریو کیبوٹ کی ازدواجی زندگی پہلے ہی مشکلات کا شکار تھی اور اسکینڈل کے بعد معاملہ مزید سنگین ہوگیا۔
تفصیلات کے مطابق میساچوسٹس کے فاکسبرو میں کولڈ پلے کے کنسرٹ کے دوران کیمرہ اچانک کرسٹن پر زوم ہوگیا جو اپنی کمپنی کے سی ای او اینڈی بائرن کے ساتھ موجود تھیں، دونوں کی غیر متوقع موجودگی اور ہچکچاہٹ نے شکوک و شبہات کو جنم دیا، بینڈ کے مرکزی گلوکار کرس مارٹن نے بھی مزاحیہ انداز میں کہا تھا کہ یا تو یہ دونوں افیئر میں ہیں یا بہت شرمیلے ہیں۔
واقعہ وائرل ہونے کے بعد سوشل میڈیا پر طوفان برپا ہوگیا اور دونوں (کرسٹن اور اینڈی) نے اپنی نوکریوں سے استعفیٰ دے دیا تھا۔
