فرمان الہی
نماز کے اوقات
صدرِ مملکت آصف علی زرداری کا کہنا ہے کہ سندھ میں متوقع شدید بارشوں کے پیشِ نظر تمام ادارے تیار رہیں، صوبائی، ضلعی، بلدیاتی ادارے ممکنہ سیلابی صورتِ حال سے نمٹنے کے لیے الرٹ رہیں۔
اپنے بیان میں انہوں نے کہا ہے کہ شہری علاقوں خصوصاً نشیبی اور ساحلی مقامات پر پیشگی انتظامات یقینی بنائے جائیں، حب ڈیم اور دیگر آبی ذخائر میں پانی کی سطح پر مسلسل نظر رکھی جائے۔
صدرِ مملکت آصف علی زرداری نے کہا کہ عوام احتیاطی تدابیر اختیار کریں اور حکومتی ہدایات پر عمل کریں، عوام کو محفوظ مقامات پر منتقلی کے انتظامات مکمل رکھے جائیں۔
صدر آصف زرداری نے یہ بھی کہا کہ ضلعی اور تحصیل کی سطح پر ریلیف مشینری اور عملہ ہمہ وقت مستعد رہے۔
