فرمان الہی
نماز کے اوقات
پاکستان مسلم لیگ (ن) فرانس کے زیراہتمام یومِ دفاعِ پاکستان کے موقع پر ایک شاندار اور پروقار تقریب کا انعقاد کیا گیا۔ تقریب کی صدارت قائم مقام صدر مسلم لیگ (ن) فرانس، چوہدری محمد حسین نے کی۔
تقریب سے خطاب کرتے ہوئے پارٹی کے سینئر رہنما تصور حسین تارڑ نے کہا کہ 1965 کی جنگ میں ہماری بہادر مسلح افواج نے جانوں کا نذرانہ پیش کرکے ملک کا دفاع کیا اور دشمن کو شکست دی۔
تصور حسین تارڑ نے کہا کہ مئی 2025 کے معرکہ حق میں بھی افواجِ پاکستان نے آرمی چیف، فیلڈ مارشل جنرل سید عاصم منیر کی قیادت میں قربانی اور بہادری کی نئی مثال قائم کرتے ہوئے دشمن کے عزائم ناکام بنا دیے۔
اس موقع پر طلعت محمود چوہان، رانا محمود، راجہ اشفاق حسین اور دیگر رہنماؤں نے بھی خطاب کیا اور افواجِ پاکستان کی قربانیوں کو زبردست خراجِ تحسین پیش کیا۔ مقررین کا کہنا تھا کہ پاکستان کی سلامتی اور بقا ہماری افواج کی بہادری اور قوم کے اتحاد میں مضمر ہے۔
تقریب میں حافظ معظم نے نعتِ رسول مقبول ﷺ پیش کی اور میلاد النبی ﷺ کے موقع پر رسولِ اکرم ﷺ سے عقیدت و محبت کا اظہار کیا۔
شرکائے تقریب نے وطنِ عزیز کی سالمیت اور ترقی کے لیے دعائیں کیں اور عزم ظاہر کیا کہ وہ ہمیشہ پاکستان کے دفاع اور خوشحالی کے لیے اپنی کوششیں جاری رکھیں گے۔
