فرمان الہی
نماز کے اوقات
کراچی میں بارش برسنے اور تھڈو ڈیم بھرنے کے بعد کراچی کی ملیر اور لیاری ندیاں بپھر گئیں، پانی اطراف کی آبادیوں میں داخل ہوگیا، متعدد افراد کے پھنسے ہونے کی اطلاعات پر ریسکیو آپریشن جاری ہے، تھڈو ڈیم کا سیلابی پانی اسکیم 33 کے رہائشی علاقوں میں داخل ہوگیا۔
ترجمان وزیراعلیٰ سندھ کے مطابق تھڈو ڈیم میں پانی کی سطح بلند ہونے سے پانی ایم نائن سے ٹکرا گیا، جمالی پل کے قریب ایم نائن پانی سےبھر گیا، سندھ حکومت نے ایم نائن کی بیچ کی دیوار توڑ کر پانی کو راستہ دینے کا فیصلہ کیا ہے۔
لیاری ندی میں بھی طغیانی، ایف بی ایریا، شفیق کالونی، حسن نعمان کالونی، سہراب گوٹھ، لیاری بکرا پیڑی کے قریب بھی ندی کا پانی گھروں میں داخل ہوگیا، کئی فٹ پانی جمع ہونے سے لوگ گھروں میں محصور ہوگئے، کشتیوں سے ریسکو آپریشن جاری ہے، گلشن اقبال کےقریب لیاری ندی میں پھنسے 2 افراد کو بحفاظت نکال لیا گیا۔
