فرمان الہی
نماز کے اوقات
پاکستان کرکٹ ٹیم کے اوپننگ بیٹر صائم ایوب نے کہا ہے کہ ہر ٹیم کے خلاف بے خوف کرکٹ کھیلیں گے، بھارت بھی اس سے مستثنیٰ نہیں، ہمارا ہدف صرف بھارت کے خلاف میچ نہیں بلکہ ایشیا کپ کی ٹرافی جیتنا ہے۔
یاد رہے کہ ایشیا کپ میں کل پاکستان اور بھارت کا میچ دبئی میں شیڈول ہے جو کہ پاکستانی وقت کے مطابق شام ساڑھے 7 بجے شروع ہوگا۔
دبئی میں پاک بھارت میچ سے قبل پریس کانفرنس میں صائم ایوب نے کہا کہ پلیئنگ الیون پِچ کی صورتحال کے مطابق منتخب کرتے ہیں، خشک پِچ پر اسپنرز کو موقع ملتا ہے۔
صائم ایوب نے کہا کہ ہر میچ میں بہتر کرنے کی کوشش کرتے ہیں، ٹیم کے پلیئرز اعتماد دیتے ہیں، امریکا میں ہونے والے ٹی ٹوئنٹی پاک بھارت میچ کی یاد کچھ خاص نہیں، منیجمنٹ کا مشورہ ہے ماضی سے سیکھیں، فوکس ابھی اور آج پر رکھیں۔
انہوں نے کہا کہ ٹیم کو جتوانا سب سے بڑا چیلنج ہے، دباؤ میں رہ کر فتح حاصل کرنا ضروری ہے، ٹیم ورک کے ساتھ بڑا میچ جیتنا مقصد ہے۔
صائم ایوب نے مزید کہا کہ ایک پلیئر میچ جتائے تو سب پچھلی پرفارمنس بھول جاتے ہیں۔
