فرمان الہی
نماز کے اوقات
معروف چینی اداکار، گلوکار اور میوزک ویڈیو ڈائریکٹر یو منگلونگ 37 سال کی عمر میں حادثے کا شکار ہو کر چل بسے۔
ایشیا ون کے مطابق اداکار کی مینجمنٹ کی جانب سے سماجی رابطے کی ویب سائٹ پر جاری بیان میں تصدیق کی گئی ہے کہ منگلونگ ایک عمارت سے گرنے کے باعث ہلاک ہوگئے، پولیس نے کسی قسم کے جرائم یا سازش کے امکان کو مسترد کردیا ہے۔
یو منگلونگ 1988ء میں چین کے علاقے اُرمچی میں پیدا ہوئے، انہوں نے 2013ء میں ایک مشہور گلوکاری کے مقابلے سپر بوائے میں شرکت کی اور شہرت حاصل کی۔
بعد ازاں وہ کئی مقبول چینی ڈراموں اور پروگرامز میں اداکاری کے جوہر دکھاتے رہے، ڈرامہ ایٹرنل لَو میں ان کا کردار خاص طور پر مداحوں میں مقبول ہوا۔
اداکار کے مداحوں اور ساتھی فنکاروں نے سوشل میڈیا پر تعزیتی پیغامات میں گہرے دکھ اور رنج کا اظہار کیا اور کہا کہ یو منگلونگ کی اچانک موت نے چینی شوبز انڈسٹری اور مداحوں کو شدید صدمے سے دوچار کر دیا ہے۔
