فرمان الہی
نماز کے اوقات
ٹی20 ایشیا کپ 2025ء کے 10ویں میچ میں متحدہ عرب امارات (یو اے ای) کی ٹیم نے پاکستان کے خلاف ٹاس جیت کر پہلے فیلڈنگ کا فیصلہ کیا ہے۔
پاکستان کرکٹ ٹیم میں دو تبدیلیاں کی گئیں ہیں، حارث رؤف اور خوشدل شاہ کو ٹیم میں شامل کیا گیا ہے۔
دبئی کرکٹ اسٹیڈیم پر کھیلے جارہے گروپ اے کے میچ کی ٹاس کےلیے دونوں ٹیموں کے کپتان محمد وسیم اور سلمان علی آغا میدان میں اترے۔
اس موقع پر یو اے ای کپتان نے کہا کہ یہ میچ ہمارے لیے ڈو اینڈ ڈائی گیم ہے، جیتنے کی کوشش کریں گے۔
سلمان علی آغا نے کہا کہ ٹاس جیت کر ہم بھی بیٹنگ کرنا چاہتے تھے، قومی ٹیم میں آج کے میچ کےلیے 2 تبدیلیاں کی گئی ہیں، حارث روف اور خوشدل شاہ ٹیم میں شامل کیے گئے ہیں۔
پاکستان اور یو اے ای کے اس میچ کی فاتح ٹیم اگلے مرحلے (سپر فور) کےلیے کوالیفائی کرلیے گی اور ہار نے والی ٹیم ایونٹ سے باہر ہوجائے گی۔
دونوں ٹیموں کے درمیان یہ مختصر طرز کی کرکٹ کا چوتھا میچ ہے، اب تک تمام میچز میں پاکستانی ٹیم نے یو اے ای کو شکست سے دوچار کیا ہے۔
