فرمان الہی
نماز کے اوقات
پاکستانی شوبز انڈسٹری کے معروف اداکار ارباز خان نے اداکارہ خوشبو خان سے طلاق کی تصدیق کر دی۔
ارباز خان نے حال ہی میں نجی ٹی وی کے شو میں بطور مہمان شرکت کی جہاں اُنہوں نے مختلف موضوعات کے بارے میں دلچسپ گفتگو کی۔
اُنہوں نے محبت کے بارے میں پوچھے گئے ایک سوال کا جواب دیتے ہوئے کہا کہ میں فی الحال سنگل ہوں، میرے دل میں کوئی نہیں ہے اور یہ حقیقت ہے، خبر ہے لیکن کسی کے لیے دعوت عام نہیں ہے۔
اداکار نے مزید کہا کہ زندگی میں محبت کرنے کے دور سے آگے نکل چکا ہوں اور اب میں ایسے ہی زندگی سے لطف اندوز ہو رہا ہوں۔
اُنہوں نے یہ بھی کہا کہ اکیلے زندگی سے لطف اندوز ہونا، اچھی زندگی گزارنے کا سب سے بہترین طریقہ ہے کیونکہ تعلقات زندگی میں ہمیشہ کچھ نتائج کے ساتھ آتے ہیں اور انسان کے لیے بوجھ بن سکتے ہیں یہاں تک کہ رشتے انسان کو برباد بھی کر سکتے ہیں۔
