فرمان الہی
نماز کے اوقات
سوشل میڈیا انفلوئنسر ثناء یوسف قتل کیس میں ملزم عمر حیات پر فردِ جرم عائد کر دی گئی۔
ڈسٹرکٹ اینڈ سیشن کورٹس اسلام آباد میں ثناء یوسف قتل کیس کی سماعت ہوئی۔
کیس کی سماعت ایڈیشنل سیشن جج محمد افضل مجوکا نے کی۔
دوران سماعت جج افضل مجوکہ نے ملزم سے استفسار ثناء یوسف کو آپ نے قتل کیا ہے کیا کہتے ہیں؟ جس پر ملزم عمر حیات نے صحت جرم سے انکار کرتے ہوئے کہا کہ میں نے ایسا کوئی بھی جرم نہیں کیا یہ سب جھوٹ ہے۔
جج نے ملزم سے مزید استفسار کیا کہ آپ کے اوپر الزام ہے کہ آپ نے ثنا یوسف کا موبائل فون بھی چھینا، جس پر ملزم نے کہا کہ میرے اوپر جو بھی الزامات لگائے گئے ہیں وہ جھوٹ پر مبنی ہیں۔
عدالت نے عمر حیات پر فردِ جرم عائد کرنے کے بعد کیس کی مزید سماعت 25 ستمبر تک ملتوی کردی۔
واضح رہے کہ ملزم عمر حیات کے خلاف تھانہ سنبل میں قتل کا مقدمہ درج ہے۔
