فرمان الہی
نماز کے اوقات
روسی وزیرِ خارجہ سرگئی لاروف کا کہنا ہے کہ اسرائیل فلسطینیوں کے خلاف غیرقانونی طاقت کااستعمال کررہا ہے۔
اقوامِ متحدہ کی جنرل اسمبلی سے خطاب کرتے ہوئے انہوں نے کہا کہ اسرائیل اپنی جارحانہ کارروائیوں سے مشرقِ وسطیٰ کو تباہ کرنے کی کوشش کر رہا ہے۔
روسی وزیرِ خارجہ نے کہا ہے کہ اسرائیل ایران، قطر، لبنان، شام، یمن اور عراق میں جارحیت کر رہا ہے، مغربی ممالک کی ایران پر دوبارہ پابندیاں لگوانے کی کوششیں غیر قانونی ہیں۔
انہوں نے کہا ہے کہ روس اور بھارت کے درمیان اقتصادی شراکت داری کو کوئی خطرہ نہیں، روس پر نیٹو اور یورپی ممالک کے خلاف کارروائی کا منصوبہ بنانے کا الزام غلط ہے۔
روسی وزیرِ خارجہ سرگئی لاروف کا یہ بھی کہنا ہے کہ روس کے خلاف کسی بھی کارروائی پر فیصلہ کُن جواب دیا جائے گا، روس یوکرین تنازع پر دیانت دارانہ امن بات چیت کے لیے تیار ہے۔
