فرمان الہی
نماز کے اوقات
شہر قائد میں آج موسم شدید گرم اور مرطوب رہنے کا امکان ہے۔
ماہر موسمیات جواد میمن نے بتایا کہ کراچی میں آج زیادہ نمی کی وجہ سے درجہ حرارت 38 سے 40 ڈگری سینٹی گریڈ رہ سکتا ہے۔
اُنہوں نے بتایا کہ شہر میں گرمی کی شدت 43 ڈگری سینٹی گریڈ سے زائد محسوس کی جاسکتی ہے، کراچی میں پوسٹ مون سون مضبوط ہوا کے کم دباؤ سے سمندری ہوائیں منقطع رہیں گی۔
ماہر موسمیات جواد میمن نے مزید بتایا کہ کراچی کے مضافات میں آج کہیں گرج چمک کے بادل بن سکتے ہیں اور 30 ستمبر کو شہر میں کہیں کہیں بارش کا امکان موجود ہے۔
اُنہوں نے بتایا کہ اس وقت ہوا کا واضح کم دباؤ بھارتی گجرات میں موجود ہے، ہوا کا یہ کم دباؤ مزید شدت اختیار کرکے ڈپریشن میں تبدیل ہوسکتا ہے۔
ماہر موسمیات جواد میمن نے یہ بھی بتایا کہ اسی سسٹم کے زیر اثر کراچی میں سمندری ہوائیں منقطع ہیں، اس سسٹم کے بحیرۂ عرب میں آنے کا امکان موجود ہے۔
