فرمان الہی
نماز کے اوقات
ایشیا کپ 2025 میں ٹرافی سے محروم رہنے کے بعد بھارتی کھلاڑی سوشل میڈیا پر فرضی ٹرافی کی تصویر سے دل بہلانے لگے۔
بھارتی بیٹر ابھیشیک شرما اور شبھمن گل نے اپنے سوشل میڈیا اکاؤنٹس پر ایک تصویر پوسٹ کی، جس میں وہ ایک فرضی ٹرافی تھامے دکھائی دے رہے ہیں، حالانکہ اصل ٹرافی بھارتی ٹیم کو ان کی ہٹ دھرمی کے باعث نہیں مل سکی تھی۔
کرکٹ شائقین نے اس عمل کو سخت تنقید کا نشانہ بنایا اور سوال اٹھایا کہ جب اصل ٹرافی ملی ہی نہیں تو فرضی تصاویری نمائش کا مقصد کیا ہے؟
یاد رہے کہ پاکستانی کھلاڑیوں سے مصافحہ نہ کرنے پر بھارتی ٹیم ٹورنامنٹ جیتنے کے باوجود اپنی ضد پر اڑی رہی اور اسی ہٹ دھرمی کے سبب ایشین کرکٹ کونسل (اے سی سی) کے صدر محسن نقوی سے بھی ٹرافی وصول کرنے سے انکار کردیا تھا، تاہم صدر اے سی سی محسن نقوی بھی اپنے فیصلے پر ڈٹے رہے اور بھارتی ٹیم تقریب میں کسی اور سے بھی ٹرافی وصول نہ کرسکی۔
بعد ازاں بی سی سی آئی نے اے سی سی کو باضابطہ طور پر آگاہ کیا کہ ٹیم ٹرافی نہیں لے گی، جس کے بعد اصل ٹرافی اسٹیڈیم سے واپس بھجوا دی گئی۔
