فرمان الہی
نماز کے اوقات
غزہ پر جاری اسرائیلی حملوں میں گزشتہ 24 گھنٹوں میں مزید 30 فلسطینی شہید ہوگئے۔
عرب میڈیا کے مطابق غزہ میں صبح سے جاری حملوں میں 30 فلسطینی شہید ہوگئے جن میں امداد کے منتظر 15 افراد بھی شامل ہیں۔
غزہ میں بھوک اور قحط سے جاں بحق افراد کی تعداد میں بھی اضافہ ہوتا جارہا ہے، اب تک 453 فلسطینی غذائی قلت اور بھوک سے جاں بحق ہوگئے ہیں، جن میں 150 بچے بھی شامل ہیں۔
اکتوبر 2023ء سے جاری غزہ پر اسرائیلی حملوں میں اب تک 66 ہزار 55 فلسطینی شہید ہوچکے ہیں، جبکہ زخمیوں کی تعداد 1 لاکھ 68 ہزار 346 ہوچکی ہے۔
دوسری جانب اسرائیل کی جانب سے مغربی کنارے میں بھی کارروائیاں جاری ہیں، اسرائیلی فوج نے آج وہاں جاسوسی کے الزام میں 2 بچوں کو حراست میں لے لیا ہے۔
