• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کا کراچی کو 20 ارب کا لولی پاپ، 200 ارب درکار ہیں، میئر کراچی

آج کا اخبار
ملک بھر سے
01 اکتوبر ، 2025
کراچی(اسٹاف رپورٹر ) میئر کراچی بیرسٹر مرتضیٰ وہاب نے کہا ہے کہ وزیراعظم نے کراچی کے لئے 20 ارب روپے کا لولی پاپ دیا ہے، جب کہ حقیقت یہ ہے کہ اس شہر کو کم از کم 200 ارب روپے درکار ہیں، اسلام آباد میں بیٹھ کر کراچی کے مسائل حل نہیں ہوسکتے، شہر کو مقامی سطح پر یکسوئی کے ساتھ کام کرنا ہوگا،اس سال بلدیہ عظمیٰ کراچی 28 ارب روپے ترقیاتی منصوبوں پر خرچ کرے گی اور ٹاؤنز کی سطح کے منصوبوں کے لئے بھی 10 ارب روپے مختص کئے گئے ہیں، شہر ٹھیکے داروں کا نہیں، بلکہ شہریوں کا ہے، وفاقی حکومت کی جانب سے ٹھیکے داروں کے مفاد کو ترجیح دینا افسوس ناک ہے، جو 9سال تک سڑکیں نہیں بنا سکیں وہ آج عوام کے سامنے کس منہ سے آتے ہیں۔ وہ منگل کو یہاں نیو رضویہ سوسائٹی میں امام مہدی پارک اور اسپورٹس گراونڈ کے افتتاح کے بعد ذرائع ابلاغ کے نمائندوں سے گفتگو کررہے تھے۔ میئر کراچی نے کہا کہ یہ پارک ڈیڑھ سو ملین روپے کی لاگت سے تعمیر کیا گیا ہے، یہ ساڑھے 5ایکڑ کی زمین پہلے کچرے کا ڈھیر تھی، تاہم اب اسے جدید تفریحی سہولتوں سے آراستہ کردیا گیا ہے۔
ملک بھر سے سے مزید