فرمان الہی
نماز کے اوقات
فرانس کے سفارت خانے کا وفد راولپنڈی کی اڈیالہ جیل پہنچا۔ جیل ذرائع کے مطابق وفد میں مس ویلری ماری اور ایڈووکیٹ وسیم قریشی شامل تھے۔
جیل ذرائع نے بتایا ہے کہ فرانسیسی سفارت خانے کے وفد کو اڈیالہ میں قید فرانسیسی قیدی تک قونصلر رسائی دی گئی۔
ذرائع کا کہنا ہے کہ فرانسیسی قیدی بنجمن سیبستین اینٹی نارکوٹکس کے مقدمہ نمبر 234 میں قید ہیں۔
جیل ذرائع کے مطابق فرانسیسی حکام کی قیدی سے ایڈیشنل سپرنٹنڈنٹ جیل کے کمرے میں ملاقات کرائی گئی۔
جیل ذرائع کا یہ بھی کہنا ہے کہ سفارت خانے کا وفد فرانسیسی قیدی سے ملاقات کے بعد اڈیالہ جیل سے روانہ ہو گیا۔
