فرمان الہی
نماز کے اوقات
چیئرمین پاکستان تحریک انصاف بیرسٹر گوہر علی خان نے کہا ہے کہ بانی پی ٹی آئی کی اڈیالہ سے منتقلی کے بارے میں ہم نے سنا ہے۔
پارلیمنٹ ہاؤس کے باہر میڈیا سے گفتگو کرتے ہوئے بیرسٹر گوہر نے کہا بانی پی ٹی آئی کی اڈیالہ سے منتقلی کے خلاف عدالت جائیں گے، میں سب سے درخواست کروں گا کہ ایسے اقدامات نہ کریں۔
انھوں نے کہا کہ بانی پی ٹی آئی کو گھٹن زدہ ماحول میں نہیں رکھا جاسکتا، وہ پاکستان کے سابق وزیراعظم اور مقبول لیڈر ہیں، پاکستان کو جمہوریت کی طرف لے کر جانا ہے تو یہ سلسلہ رک جانا چاہیے۔
بیرسٹر گوہر نے کہا کہ بانی پی ٹی آئی کا موقف پہنچانا علیمہ خان کے ذمے ہے، قیادت کوچاہیے کہ بانی کی بہنوں سے متعلق کوئی بیان نہ دیں۔ بانی پی ٹی آئی کی بہنوں کی آنکھوں میں ہمیں بھائی کی تصویر نظر آتی ہے۔
