فرمان الہی
نماز کے اوقات
ایشین ہے بال چیمپئن شپ میں پاکستان کے عرفان داد سیمی فائنل میں پہنچ گئے ہیں۔ پاکستانی کیوئسٹ نے ایک دن میں 2 بھارتی کھلاڑیوں کو ناک آؤٹ کردیا۔
اردن میں جاری ایونٹ میں عرفان داد نے ایک ہی دن میں ایونٹ کے پری کوارٹر اور کوارٹر فائنل میں بھارتی پلیئرز کو ہرا دیا۔
پری کوارٹر فائنل میں عرفان داد نے بھارت کے شہباز عادل خان کو 7-3 سے جبکہ کوارٹر فائنل میں بھارت کے شیوم اروڑا کو 7-6 سے زیر کیا۔
سیمی فائنل میں ایک بار پھر پاکستانی کیوئسٹ کا آمنا سامنا بھارتی کیوئسٹ سندیپ گلاٹی سے ہوگا۔
ہے بال 8 بال پول کے چینی ورژن کا نام ہے، 8 بال اور ہے بال میں بنیادی فرق ٹیبل کے معیار کا ہے۔
پاکستان بلیئرڈاینڈ اسنوکر ایسوسی ایشن (پی بی ایس اے)نے ایشین ہے بال چیمپئن شپ کےلیے 2 پلیئرز نامزد کیے تھے۔
برطانیہ میں مقیم عرفان داد کے ساتھ ندیم گل نے ایونٹ میں شرکت کی، ندیم کو راؤنڈ آف 32 میں شکست کا سامنا کرنا پڑا تھا۔
