فرمان الہی
نماز کے اوقات
پاک افغان سرحد پر افغانستان کی جانب سے بلااشتعال فائرنگ کی گئی، پاکستانی فورسز کی بھرپور جوابی کارروائی سے متعدد افغان فوجی ہلاک ہوگئے۔
بھاری نقصانات کے باعث متعدد افغان پوسٹیں خالی ہوگئیں، افغانستان نے پاکستان سے بھاری جوابی کارروائی روکنے کی درخواستیں کی ہیں۔
سیکیورٹی ذرائع کے مطابق پاکستانی فورسز کی کارروائی سے خارجی تشکیلیں منتشر ہوگئیں۔ افغان پوسٹیں خارجیوں کو کور فائر دینے میں ناکام رہیں، متعدد افغان پوسٹوں اور خارجیوں کی تشکیلوں کو بھاری نقصانات کی اطلاعات ہیں۔
سیکیورٹی فورسز نے کرم میں افغانی پوسٹ تباہ کرنے کی ویڈیو جاری کردی، افغان ٹالی پوسٹ بھی تباہ کردی گئی ہے۔
سیکیورٹی ذرائع کے مطابق پاک فوج نے توپوں سے ہدف کو نشانہ بنایا، پاکستان کی جانب سے آرٹلری، ٹینکوں، ہلکے اور بھاری ہتھیاروں کا استعمال کیا گیا۔
داعش اور خارجی ٹھکانوں کو نشانہ بنانے کے لیے فضائی وسائل اور ڈرونز کا بھی استعمال کیا گیا، افغانستان کے اندر خوارج اور داعش کے ٹھکانوں کو نشانہ بنایا گیا۔
سیکیورٹی ذرائع کے مطابق افغان فورسز نے انگور اڈا، باجوڑ، کرم ، دیر، چترال، اور بارام چاہ کے مقامات پر بِلا اشتعال فائرنگ کی۔
بلوچستان کے سرحدی علاقے چاغی میں بھی افغان دہشت گردوں پر پاکستانی سیکیورٹی فورسز کے وار جاری ہیں، کئی دہشت گرد اور چیک پوسٹیں تباہ کردی گئیں۔
پاک فوج نے فوری شدید رد عمل دیتے ہوئے متعدد افغان پوسٹوں کو مؤثر طریقے سے نشانہ بنایا۔
افغانستان کی جانب سے جارحیت افغان وزیر خارجہ کے دورہ بھارت کے موقع پر ہورہی ہے۔
