پشاور ( لیڈی رپورٹر) چترال سے رکن صوبائی اسمبلی فوزیہ بی بی تحریک انصاف کےاحتساب دھرنے میں شرکت کے لئے چترال سے سینکڑوں کارکنوں اور طلباء پرمشتمل قافلہ لیکر آج پشاورپہنچیں گی جبکہ وہ7اگست کو پی ٹی آئی کی احتجاجی تحریک میں شریک چترا لیوں کی قیادت کریں گی ۔ جنگ سے ٹیلی فو ن پرگفتگو کرتے انہوں نے کہاکہ ملک میں کرپشن کے خاتمے اور میرٹ کی بالادستی کیلئے متحد ہو کر کام کریں گے اور چترال سے پی ٹی آئی کی واحدرکن اسمبلی ہونے کی حیثیت سے میں چترال کے عوام کی بھرپور نمائندگی کروں گی، انہوں نے کہا کہ احتساب تحریک کو کامیاب بنانے کیلئےعوامی طاقت کا بھرپور مظا ہرہ کیا جائے گا انہوں نے کہا کہ چترال کے عوام پی ٹی آئی کے ساتھ ہیں یہی وجہ ہے کہ وہ بڑی تعداد میں تحریک میں شامل ہو رہے ہیں۔
فرمان الہی
نماز کے اوقات
