فرمان الہی
نماز کے اوقات
جاپان میں ایک بے روزگار شخص نے فوڈ ڈلیوری پلیٹ فارم کے ساتھ فراڈ کرتے ہوئے دو سالوں تک مفت میں ایک ہزار کھانے حاصل کیے۔
38 سالہ یہ شخص دھوکہ دہی کے الزام میں اس وقت گرفتار کیا گیا جب اس نے ایک فوڈ ڈلیوری ایپ میں موجود خامی کا فائدہ اٹھاتے ہوئے بغیر ادائیگی کے ایک ہزار سے زائد ڈیلیوریز حاصل کیں۔
اس حوالے سے بتایا جاتا ہے کہ جاپان کے ناگویا (ایچی پریفیکچر) کے اس بےروزگار شخص تاکویا ہیگاشیموتو نے دو سال سے زیادہ عرصے تک جاپان کے ایک بڑے فوڈ ڈیلیوری پلیٹ فارم کی آرڈر منسوخی کی پالیسی کا غلط اور ناجائز استعمال کرتے ہوئے ایک ہزار سے زیادہ مفت کھانے حاصل کیے۔
اتنے طویل عرصے تک بغیر قانون کی گرفت میں آئے یہ سب کچھ کرنا کوئی آسان کام نہیں تھا۔ تفتیش کاروں نے پتہ لگایا کہ اس شخص نے ڈیمائے۔کین (Demae-can) نامی ڈلیوری ایپ پر 124 مختلف اکاؤنٹس استعمال کیے، جن میں سے زیادہ تر جعلی ناموں اور فرضی پتوں پر رجسٹر کیے گئے تھے۔
یہ فراڈی شخص زیادہ تر پری پیڈ کارڈز کے ذریعے اکاؤنٹ بناتا اور چند دن بعد اپنی رکنیت منسوخ کر دیتا تھا۔ اس طریقے نے پلیٹ فارم کے لیے اس کی سرگرمیوں کا سراغ لگانا اور اسے روکنا بہت مشکل بنا دیا تھا جس کے نتیجے میں کمپنی کو 37 لاکھ ین (تقریباً 24 ہزار امریکی ڈالر) کا نقصان ہوا۔
