فرمان الہی
نماز کے اوقات
آئی سی سی ویمنز ورلڈ کپ میں بھارت نے نیوزی لینڈ کو 53 رنز سے ہرا کر سیمی فائنل میں جگہ بنا لی۔
بارش سے متاثرہ میچ میں بھارت نے 49 اوورز میں 3 وکٹ پر 340 رنز بنائے، ڈک ورتھ لوئیس میتھڈ کے تحت نیوزی لینڈ کو 44 رنز اوورز میں 325 رنز کا ہدف ملا، جو 8 وکٹ پر 271 رنز بنا سکی۔
ورلڈ کپ میں پاکستان ٹیم اپنا آخری میچ آج سری لنکا کے خلاف کھیلے گی، جیو سوپر ایونٹ کے دلچسپ میچز براہ راست نشر کر رہا ہے۔
ممبئی میں کھیلے گئے میچ میں بھارتی اوپنرز پراتیکا راول اور سمرتی مندھانا نے شاندار آغاز کیا، دونوں نے کیوی بولر کے خلاف آزادانہ اسٹروک کھیلے اور اپنی ٹیم 212 رنز کی مستحکم بنیاد فراہم کی۔
پہلے سمرتی نے سنچری بنائی، وہ 109 رنز بنا کر آؤٹ ہوئیں، پھر پراتیکا راول نے سنچری مکمل کی، وہ 122 رنز بنا گئیں، روڈریگز نے 76 رنز کی جارحانہ اننگز کھیلی۔
اننگز کے دوران بارش کے باعث کھیل روکنا بھی پڑا، مقررہ 49 اوورز میں بھارت نے 3 وکٹ پر 340 رنز بنائے، نیوزی لینڈ کو ڈک ورتھ لیوئس میتھڈ کے تحت 44 اوورز میں 325 رنز کا ہدف ملا لیکن نیوزی لینڈ کی ٹیم 8 وکٹ پر 271 رنز بنا سکی۔
بروک ہیلی ڈے 81 رنز کے ساتھ ٹاپ اسکورر رہیں، ایسابیلا نے 65 رنز بنائے۔
بھارت نے 53 رنز کی فتح کے ساتھ سیمی فائنل میں جگہ بنا لی، آسٹریلیا، جنوبی افریقا اور انگلینڈ کی ٹیمیں پہلے ہی فائنل فور میں پہنچ چکی ہیں۔
ورلڈ کپ میں آج پاکستان ٹیم اپنا آخری میچ آج سری لنکا سے کھیلے گی۔
