فرمان الہی
نماز کے اوقات
وفاقی وزیر فوڈ سیکیورٹی اور تحقیق رانا تنویر حسین نے کہا ہے کہ 18 ویں ترمیم کی تبدیلی وقت کی ضرورت بن چکی ہے۔
شیخوپورہ میں میڈیا سے گفتگو میں رانا تنویر حسین نے کہا کہ نیشنل فنانس کمیشن (این ایف سی) ایوارڈ کو اگلے بلدیاتی الیکشن سے قبل تبدیل کیا جائے گا۔
انہوں نے کہا کہ موجودہ دور میں اس ایوارڈ کو تبدیل کرنے کی ضرورت ہے، 18ویں ترمیم سے گورننس کے مسائل آئے ہیں، اس پر نظرثانی ہونی چاہیے۔
اُن کا کہنا تھا کہ ہم چاہتے ہیں افغانستان دہشت گردی کے خاتمہ میں ہماری مدد کرے، ہم کابل کو دہلی کی کٹھ پتلی نہیں بننے دیں گے۔
رانا تنویر حسین نے یہ بھی کہا کہ افغانستان کو حالیہ جنگ میں بھارت کی عبرتناک شکست سے بھی سبق لینا چاہیے۔
انہوں نے کہا کہ بھارت کو اقوام متحدہ کی قراردادوں کے مطابق کشمیریوں کا حق خود ارادیت تسلیم کرنا پڑے گا، آزاد کشمیر میں ن لیگ نے حتمی طور پر اپوزیشن میں بیٹھنے کا فیصلہ کرلیا ہے۔
