فرمان الہی
نماز کے اوقات
اسرائیلی وزیرِ اعظم بنیامین نیتن یاہو نے ایک بار پھر جنگ بندی کی خلاف ورزی کرتے ہوئے اسرائیلی فوج کو غزہ میں فوری حملے کرنے کا حکم دے دیا۔
غیر ملکی خبر ایجنسی کے مطابق اسرائیل کی جانب سے غزہ میں جنگ بندی معاہدہ ہونے کے بعد اس کی مسلسل خلاف ورزی جاری ہے۔
اسرائیلی میڈیا کے مطابق وزیرِ اعظم بنیامین نیتن یاہو نے اسرائیلی فوج کو ہدایت دی ہے کہ وہ غزہ کی پٹی پر فوری اور بھرپور فضائی و زمینی حملے کرے۔
وزیرِ اعظم آفس کے مطابق یہ فیصلہ اس اجلاس کے بعد کیا گیا جو اسرائیلی وزیرِ اعظم نیتن یاہو نے بلایا تھا۔
یہ اجلاس اسرائیلی پارلیمنٹ کے سرمائی اجلاس کے موقع پر ہوا۔
اجلاس سے خطاب کرتے ہوئے اسرائیلی وزیرِ اعظم نے کہا کہ اسرائیل امن کی خواہش رکھتا ہے لیکن سلامتی کے خطرات کے سامنے خاموش نہیں رہ سکتا۔
عرب میڈیا کے مطابق اسرائیلی وزیرِ اعظم نیتن یاہو نےالزام عائد کیا کہ جنوبی غزہ میں اسرائیلی فوجیوں پر حملہ کیا گیا ہے۔
انہوں نے یہ الزام بھی لگایا کہ حماس کی جانب سے مغویوں کی لاشوں کی واپسی سے متعلق خلاف ورزیاں ہوئی ہیں۔
