فرمان الہی
نماز کے اوقات
وزیراعظم آزاد کشمیر چوہدری انوارالحق کے خلاف تحریک عدم اعتماد مسلسل تاخیر کا شکار ہے۔
ذرائع کے مطابق پیپلز پارٹی کے قائدین نے تاحال متبادل قائد ایوان کی نامزدگی نہیں کی، چیئرمین بلاول بھٹو کی وطن واپسی پر ہی عدم اعتماد جمع کروانے کا فیصلہ متوقع ہے۔
مبینہ طور پر مسلم لیگ ن کے قبل ازوقت انتخابات کا مطالبہ تاخیر کی وجہ ہے، آزاد کشمیر حکومت کا 80 فیصد ترقیاتی بجٹ ابھی خرچ ہونا باقی ہے۔
ذرائع کے مطابق موجودہ اسمبلی کی مدت جولائی 2026 میں ختم ہو رہی ہے، مسلم لیگ ن کا مارچ 2026 میں انتخابات کروانے کا مطالبہ ہے۔
انتخابات سے 2 ماہ قبل جنوری ہی میں نئی حکومت اختیارات سے محروم ہوجائے گی، دسمبر اور جنوری میں پیپلز پارٹی مطلوبہ سیاسی اہداف حاصل نہیں کر پائے گی۔
ذرائع کا کہنا ہے کہ پیپلز پارٹی کا اسمبلی کی مدت پوری کرنے پر اصرار ڈیڈلاک کی مبینہ وجہ ہے۔
