فرمان الہی
نماز کے اوقات
یوکرین کے صدر ولادیمیر زیلینسکی کے انٹرویو کے دوران اچانک بجلی چلی گئی جس کے باعث برطانوی اخبار دی گارڈین کا انٹرویو مختصراً منقطع کرنا پڑا۔
رپورٹ کے مطابق انٹرویو کے آغاز پر ہی بجلی بند ہوگئی تھی، جس کے چند لمحوں بعد جنریٹر کے ذریعے بحال کی گئی، تاہم انٹرویو کے دوران دو بار بجلی منقطع ہوئی، جس کی ویڈیو گارڈین کے یوٹیوب چینل پر جاری کی گئی ہے۔
پہلی بار بجلی بند ہوتے ہی انٹرویو کچھ دیر کے لیے روکنا پڑگیا، مگر جنریٹر کے چلنے پر گفتگو دوبارہ شروع کر دی گئی، دوسری بار بجلی بند ہونے پر زیلینسکی نے تاریکی میں بات جاری رکھی، بعد ازاں بجلی جنریٹر کے ذریعے بحال کی گئی اور انٹرویو مکمل کیا گیا۔
صدر زیلینسکی نے اس موقع پر کہا کہ ایسی بجلی کی بندشیں اب یوکرین کے عوام کے لیے معمول بن چکی ہیں۔
