فرمان الہی
نماز کے اوقات
اپوزیشن اتحاد تحریک تحفظ آئین پاکستان کے اجلاس کی اندورنی کہانی سامنے آگئی۔
ذرائع کے مطابق تحریک تحفظ آئین پاکستان کے ارکان کی اکثریت نے 27ویں ترمیم کو مسترد کیا، اجلاس میں سپریم کورٹ سے مستعفی منصور علی شاہ اور اطہر من اللّٰہ کو خراج تحسین پیش کیا گیا۔
ذرائع کے مطابق ارکان کی اکثریت نے آئین کو اس کی اصل شکل میں بحال کرنے کیلئے تحریک چلانے پر رائے دی، اجلاس میں خیبر پختونخوا امن جرگہ کے اعلامیے کی مکمل حمایت کی گئی۔
ذرائع کے مطابق اپوزیشن ارکان نے رائے دی کہ ممبران قومی اسمبلی اور سینیٹ پارلیمنٹ سے سپریم کورٹ تک واک کریں، ارکان نے اتفاق کیا کہ خیبر پختونخوا اسمبلی میں27ویں آئینی ترمیم کےخلاف قرارداد پیش کی جائے۔
ذرائع کے مطابق ارکان نے رائے دی کہ ممبران پنجاب اسمبلی پیر کو پنجاب اسمبلی سے لاہور ہائیکورٹ تک مارچ کریں۔
ذرائع کے مطابق اپوزیشن اتحاد کے رہنماؤں نے آئندہ جمعہ کو ملک بھر میں یوم سیاہ منانے پر اتفاق کیا، اپوزیشن اتحاد کے ارکان نے جیلوں میں قید سیاسی قیادت کی رہائی پر بھی اتفاق کیا۔
