فرمان الہی
نماز کے اوقات
بھارتی موسیقار اور سنگر یویو ہنی سنگھ نے زندگی کے یادگار 7 گھنٹوں کا ذکر کیا ہے، جب شاہ رخ خان نے اُن کا ہاتھ تھامے رکھا۔
42 سالہ یویو ہنی سنگھ نے تازہ انٹرویو میں شاہ رخ خان کے ساتھ اپنے گہرے تعلق، بچپن کی یادوں اور کیرئیر پر کھل کر بات کی ہے۔
بھارتی میڈیا رپورٹ کے مطابق بھارتی سنگر نے بتایا کہ شاہ رخ خان نے لنگی ڈانس گانے کی کامیابی کے بعد دیوالی پارٹی دی اور 7 گھنٹے تک میرا ہاتھ تھامے رکھا۔
انہوں نے مزید کہا کہ کنگ خان ہاتھ تھام کر میرا سب اسٹارز جیسے امیتابھ بچن، ایشوریہ رائے، مادھوری و دیگر سے تعارف کرواتے رہے، یہ میری زندگی کا انتہائی یادگار لمحہ ہے۔
یویو ہنی سنگھ نے انکشاف کیا کہ شاہ رخ خان اور میرے درمیان سچ کہوں تو دہلی کنکشن ہی دوستی کی بنیاد تھا، کنگ خان نے مجھے ذاتی طور پر لنگی ڈانس گانا بنانے کےلیے کال کی تھی۔
بھارتی موسیقار نے یہ بھی کہا کہ میری بچپن کی تمنا اور خواہش ہی شاہ رخ خان جیسا بننے کی تھی، اُس دن کہا میں تو اُسی شخص کے ساتھ کام کرچکا ہوں، جسے آئیڈیل کہتا تھا۔
اُن کا کہنا تھا کہ بچپن میں اسکول میں بھنگڑا، کیرتن سمیت دیگر تفریحی سرگرمیوں کا حصہ ہوتا تھا، اسی دوران میں نے ٹیچر سے کہا تھا میں شاہ رخ خان بننا چاہتا ہوں۔
یویو ہنی سنگھ نے اپنے نئے ورلڈ ٹور ’مائی اسٹوری‘ کی تیاریوں میں مصروف ہیں جبکہ اس سے پہلے وہ 14-2013ء میں شاہ رخ خان کے ساتھ دنیا بھر کا ٹور کرچکے ہیں۔
