فرمان الہی
نماز کے اوقات
امریکی صدر ڈونلڈ ٹرمپ کا کہنا ہے کہ اُن کی انتظامیہ تیسری دنیا کے تمام ملکوں سے ہجرت کو مستقل طور پر روک دے گی تاکہ امریکی نظام کو مکمل طور پر بحال کیا جا سکے۔
صدر ٹرمپ نے سوشل میڈیا پر جاری کیے گئے اپنے بیان میں امریکا میں مقیم غیر ملکی افراد کے لیے تمام وفاقی فوائد اور سبسڈیز کو بھی ختم کرنے کا اعلان کیا ہے۔
ٹرمپ کا کہنا ہے کہ ہر اُس شخص کو ملک سے نکال دیں گے جو امریکا کے لیے اثاثہ نہیں ہے، وہ غیر شہریوں کے تمام وفاقی فوائد اور سبسڈیز ختم کردیں گے اور ایسے مہاجرین کی قانونی شہریت منسوخ کر دیں گے جو داخلی امن کو نقصان پہنچاتے ہیں اور ہر اُس غیر ملکی کو ملک بدر کر دیں گے جو عوام پر بوجھ ہو، سیکیورٹی رسک ہو یا مغربی تہذیب کے ساتھ مطابقت نہ رکھتا ہو۔
انہوں نے مزید کہا کہ منصوبے میں سابق صدر جو بائیڈن کی انتظامیہ کے منظور شدہ غیر قانونی امیگریشن کیسز بھی شامل ہوں گے۔۔
امریکی حکام کے مطابق بدھ کے روز وائٹ ہاوس کے قریب فائرنگ کرنے والا شخص افغان شہری تھا جو 2021ء میں ری سیٹلمنٹ پروگرام کے تحت امریکا داخل ہوا تھا۔
واضح رہے کہ دو روز قبل ایک افغان شہری نے واشنگٹن میں وائٹ ہاؤس کے قریب نیشنل گارڈ کے فوجیوں پرفائرنگ کی تھی جس کے نتیجے میں ایک خاتون اہلکار ہلاک اور ایک زخمی ہو گیا تھا۔
