فرمان الہی
نماز کے اوقات
انٹرنیشنل کرکٹ کونسل (آئی سی سی) نے ٹیسٹ، ون ڈے اور ٹی ٹوئنٹی کی رینکنگ جاری کردی۔ پاکستان کے صائم ایوب ٹی ٹوئنٹی میں نمبر ون آل راؤنڈر بن گئے۔
ٹیسٹ بیٹرز میں انگلینڈ کے جو روٹ کا پہلا نمبر برقرار ہے، آسٹریلیا کے ٹریوس ہیڈ ایک درجے ترقی کے بعد 5ویں نمبر پر آ گئے ہیں۔
سری لنکا کے کمیندو مینڈس ایک درجے ترقی کے بعد چھٹے نمبر، پاکستان کے سعود شکیل 11ویں نمبر پر موجود ہیں۔
ٹیسٹ بولرز میں بھارت کے جسپریت بمرا کا پہلا نمبر برقرار ہے، جنوبی افریقہ کے مارکو یانسن 5 درجے ترقی کے بعد پانچویں نمبر پر براجمان ہیں۔
ٹیسٹ بولرز رینکنگ میں پاکستان کے نعمان علی تیسرے نمبر پر موجود ہیں، جنوبی افریقہ کے سائمن ہارمر لمبی چھلانگ لگاتے ہوئے 13 درجے ترقی کے بعد 11ویں نمبر پر آ گئے ہیں۔
ٹیسٹ آل راؤنڈر میں بھارت کے رویندرا جڈیجا کا پہلا نمبر ہے، جنوبی افریقہ کے مارکو یانسن 4 درجے ترقی کے بعد دوسرے نمبر پر آگئے ہیں۔
جنوبی افریقہ کے سینوران ماتھوسامے نے لمبی چھلانگ لگاتے ہوئے 14 درجے ترقی کے بعد 20 نمبر پر آ گئے۔
آئی سی سی ٹی ٹوئنٹی بیٹرز رینکنگ میں بھارت کے ابھیشک شرما کی پہلی پوزیشن برقرار ہے جبکہ انگلینڈ کے جوز بٹلر ایک درجہ بہتری کے بعد چوتھے نمبر پر آگئے ہیں۔
بھارت کے تلک ورما ایک درجہ بہتری کے بعد پانچویں نمبر پر پہنچ گئے، پاکستان کے صاحبزادہ فرحان 2 درجہ تنزلی کے بعد چھٹی پوزیشن پر چلے گئے ہیں۔
سری لنکا کے کامل مشارا 91 درجہ چھلانگ کے بعد 18 ویں نمبر پر آگئے۔ بابراعظم ایک درجہ تنزلی کے بعد 30 ویں نمبر پر چلے گئے۔
صائم ایوب دو درجہ بہتری کے بعد 35ویں پوزیشن پر براجمان ہیں اور سلمان علی آغا 11 درجہ بہتری کےبعد 52ویں نمبر پر آگئے ہیں۔
ٹی ٹوئنٹی بولرز رینکنگ میں بھارت کے ورن چکرورتی پہلی پوزیشن پر براجمان ہیں، پاکستان کے ابرار احمد 4 درجہ بہتری کے بعد چوتھے نمبر پر پہنچ گئے۔
بنگلادیش کے مستفیض الرحمٰن دو درجہ بہتری کے بعد 8 ویں نمبر پر آگئے جبکہ پاکستان کے محمد نواز دو درجہ بہتری کے بعد 11 ویں نمبر پر پہنچ گئے ہیں۔
پاکستان کے سلمان مرزا 4 درجہ بہتری کے بعد 34ویں اور صائم ایوب 12 درجہ بہتری کے بعد 39 ویں پوزیشن پر آگئے ہیں۔
پاکستان کے صائم ایوب ٹی ٹوئنٹی میں نمبر ون آل راؤنڈر بن گئے، صائم ایوب نے زمبابوے کے سکندر رضا سے پہلی پوزیشن چھینی ہے۔
سکندر رضا ایک درجہ تنزلی کے بعد دوسرے نمبر پر چلے گئے، پاکستان کے محمد نواز 3 درجہ بہتری کے بعد چوتھے نمبر پر آگئے جبکہ بھارت کے اکشر پٹیل ایک درجہ بہتری کے بعد 10ویں نمبر پر آگئے ہیں۔
آئی سی سی ون ڈے بیٹرز رینکنگ میں بھارت کے روہت شرما کی پہلی پوزیشن برقرار ہے، ورات کوہلی ایک درجہ بہتری کے بعد چوتھے نمبر پر آگئے ہیں۔
پاکستان کے بابراعظم کی چھٹی پوزیشن برقرار ہے، بھارت کے ایل راہول دو درجہ بہتری کے بعد 14ویں نمبر پر آگئے ہیں۔
جنوبی افریقہ کے کوئنٹن ڈی کاک 3 درجہ تنزلی کے بعد 16ویں نمبر پر چلے گئے، فخر زمان ایک درجہ بہتری کے بعد 25ویں نمبر پر براجمان ہیں۔
جنوبی افریقہ کے میتھیو بریز 17 درجے بہتری کے بعد 31ویں نمبر پر پہنچ گئے ہیں۔
آئی سی سی ون ڈے بولرز رینکنگ میں افغانستان کے راشد خان کی پہلی پوزیشن برقرار ہے، بھارت کے کلدیپ یادیو ایک درجہ بہتری کے بعد چھٹی پوزیشن پر آگئے۔
آئی سی سی ون ڈے آل راؤنڈرز رینکنگ میں افغانستان کے عظمت اللّٰہ عمرزئی کی پہلی پوزیشن برقرار ہے، جنوبی افریقہ کے مارکو جانسن 15 درجے کی بہتری کے بعد 20 ویں نمبر پر آگئے۔
