فرمان الہی
نماز کے اوقات
وزیراعظم شہباز شریف نے کہا ہے کہ پاکستان سڈنی میں بونڈائی بیچ پر ہونے والی دہشت گردی کی بزدلانہ کارروائی کی مذمت کرتا ہے۔
پاکستان میں تعینات آسٹریلیا کے ہائی کمشنر ٹم کین سے گفتگو کرتے ہوئے وزیراعظم نے کہا کہ دہشت گردوں کا کوئی مذہب نہیں ہوتا، اس کی ہر شکل اور صورت میں مذمت کی جانی چاہیے۔
وزیراعظم نے کہا کہ دہشت گردی جیسی لعنت کے خاتمے کے لیے اجتماعی کارروائی کی ضرورت ہے۔
وزیراعظم شہباز شریف اور آسٹریلیا کے ہائی کمشنر کے درمیان ہونے والی ملاقات میں زراعت، لائیو اسٹاک، کان کنی اور معدنیات سمیت دیگر شعبوں میں سرمایہ کاری اور دوطرفہ تجارت پر بھی گفتگو ہوئی۔
علاوہ ازیں وزیراعظم نے ہائی کمشنر کو ان کی تقرری پر مبارکباد پیش کی اور اس اعتماد کا اظہار کیا کہ ان کی تعیناتی سے پاکستان اور آسٹریلیا کے درمیان دیرینہ اور دوستانہ تعلقات مزید مستحکم ہوں گے۔
