فرمان الہی
نماز کے اوقات
انسداد دہشتگردی عدالت لاہور نے 9 مئی کو کلب چوک جی او آر کے گیٹ پر حملے کے مقدمے کا فیصلہ سنادیا۔ عدالت نے مقدمے سے پی ٹی آئی رہنما شاہ محمود قریشی کو بری کردیا۔
اے ٹی سی کے جج منظر علی گل نے کوٹ لکھپت جیل میں اس کیس کا فیصلہ سنایا۔
عدالت نے ڈاکٹر یاسمین راشد، میاں محمود الرشید، اعجاز چوہدری اور عمر سرفراز چیمہ کو 10، 10 سال قید کی سزا سنادی۔
ٹرائل کے دوران ڈاکٹر یاسمین راشد سمیت 21 ملزمان کے حتمی بیانات قلمبند کیے گئے تھے جبکہ پراسیکیوشن کی جانب سے 56 گواہوں کو عدالت میں پیش کیا گیا تھا۔
واضح رہے کہ ٹرائل کے دوران 4 ملزمان کو اشتہاری بھی قرار دیا گیا تھا۔
