فرمان الہی
نماز کے اوقات
اقوام متحدہ کے ورلڈ فوڈ پروگرام کی رپورٹ میں کہا گیا ہے کہ افغانستان میں ایک کروڑ 70 لاکھ افراد بھوک و افلاس میں سردیاں گزار رہے ہیں۔
رپورٹ کے مطابق افغانستان میں غذائی قلت کے شکار بچوں کی تعداد 40 لاکھ سے بڑھنے کا امکان ہے۔ افغانستان میں بچوں کی غذائی قلت بلند ترین سطح پر پہنچ چکی ہے۔
اقوام متحدہ کی رپورٹ میں کہا گیا ہے کہ افغانستان میں معاشی بحران نے بھی افغان عوام کی زندگی مشکل بنادی ہے۔
رپورٹ میں کہا گیا ہے کہ افغان طالبان رجیم میں محدود روزگار اور کمزور معیشت نے معاشی حالات تباہ کردیے ہیں۔
دوسری جانب افغان میڈیا ’آمو ٹی وی‘ کے مطابق سردیوں میں بچے غیر موزوں کپڑوں کے ساتھ زندگی گزار رہے ہیں، افغانستان میں وسیع پیمانے پر غربت شہریوں کی مصیبت کو مزید بڑھا رہی ہے۔
