فرمان الہی
نماز کے اوقات
امریکی اداکار جارج کلونی کے بارے میں دعویٰ کیا جا رہا ہے کہ وہ اپنی اہلیہ امل کلونی سے طلاق کی خفیہ منصوبہ بندی کر رہے ہیں۔
غیر ملکی میڈیا کی ایک رپورٹ کے مطابق جارج کلونی کی جانب سے فرانسیسی شہریت حاصل کرنے کی کوشش اسی منصوبے کا حصہ ہو سکتی ہے۔
بین الاقوامی میڈیا کا کہنا ہے کہ جارج کے اس فیصلے کا مقصد مستقبل میں کسی بھی ممکنہ تبدیلی کی صورت میں قانونی اور انتظامی سہولت حاصل کرنا ہے۔
اداکار کے ایک قریبی ذریعے نے میڈیا کو بتایا ہے کہ جارج کلونی ہر ممکن صورتحال کے لیے پیشگی تیاری کرتے ہیں۔ فرانسیسی شہریت انہیں لچک اور خودمختاری فراہم کرے گی تاکہ اگر حالات بدلیں تو دونوں میاں بیوی الگ الگ ممالک میں رہتے ہوئے بھی بغیر کسی عوامی ہنگامے کے معاملات سنبھال سکیں۔
رپورٹ میں مزید کہا گیا ہے کہ جارج اور امل کلونی کے پاس فرانس، اٹلی، برطانیہ، نیویارک اور کینٹکی میں جائیدادیں موجود ہیں جو کسی منصوبہ بندی کے تحت لی گئی تھیں۔
مختلف ممالک میں الگ الگ جائیدادوں سے دونوں اپنے پیشہ ورانہ معاملات ایک دوسرے سے الگ رکھ سکتے ہیں جبکہ بچوں کی پرورش مشترکہ طور پر جاری رہے گی۔
واضح رہے کہ جارج اور امل کلونی کی شادی 2014 میں ہوئی تھی، اس جوڑی کے جڑواں بچے ایلا اور الیگزینڈر ہیں۔
