فرمان الہی
نماز کے اوقات
چہرے پر اسکین کینسر کی ایک علامت ہوتی ہے لیکن بہت سے لوگ اسے معمولی پمپل سمجھ کے نظر انداز کردیے ہیں۔
ماہر امراض اسکین ڈاکٹر جینی لیو کے مطابق بیسل سیل اسکین کینسر کی سب سے عام قسم ہے، جو اکثر ایک عام دانا یا معمولی جلدی مسئلہ دکھائی دیتا ہے، جسے لوگ اکثر نظر انداز کردیتے ہیں۔
جینی لیو نے سوشل میڈیا پر بیسل سیل اسکین کینسر سے متعلق ایک ویڈیو شیئر کی ہے، جس میں بتایا گیا ہے کہ یہ خطرناک کینسر کس طرح ایک معمولی مسئلے سے کی صورت میں خود کو چھپا لیتا ہے۔
جلد کا کینسر بیسل سیلز میں پیدا ہوتا ہے، یہی وہ سیلز ہیں، جو نئی جلد بنانے اور پرانی جلد کے خلیے ختم کرنے کا کام کرتے ہیں، سورج کی الٹراوائلٹ شعاعیں اس کی سب سے بڑی وجہ سمجھی جاتی ہیں۔
ماہر امراض اسکین نے مزید کہا کہ یہ بیماری جلد کے رنگ کے موتی جیسے ابھار یا گلابی دھبے کی صورت میں ظاہر ہو سکتی ہے اور زیادہ تر سورج سے متاثرہ حصوں یعنی سر اور بازو پر پائی جاتی ہے۔
انہوں نے یہ بھی کہا کہ یہ جسم کے دیگر حصوں جیسے سینہ، پیٹ اور نجی اعضاء میں بھی ہوسکتا ہے ،جو زخم یا دانہ دیر تک ٹھیک نہ ہو، اسے نظر انداز نہ کریں، اس کی بروقت تشخیص یا پہچان مکمل علاج کے لیے نہایت ضروری ہے۔
نوٹ: یہ مضمون قارئین کی معلومات کیلئے شائع کیا گیا ہے۔ صحت سے متعلق امور میں اپنے معالج کے مشورے پر عمل کریں۔
