فرمان الہی
نماز کے اوقات
بالی ووڈ کے معروف اداکار ریتک روشن کی فٹنس کا راز سامنے آگیا۔
ریتک روشن اپنی سبز رنگ کی آنکھوں، فٹنس اور شاندار ڈانس کی وجہ سے بھارتی فلم انڈسٹری میں منفرد پہچان رکھتے ہیں۔
فٹنس کا خیال رکھنے والے افراد ہمیشہ سے ہی اداکار کی خوراک اور ورزش کے معمول کے بارے میں جاننے کے خواہشمند ہیں۔
اب ریتک روشن نے خود فوٹوز اینڈ ویڈیوز شیئرنگ ایپ انسٹاگرام پر اپنی فٹنس کے اس راز کو کھول دیا۔
اُنہوں نے کھانے کی پلیٹ کی ایک تصویر شیئر کی جو مختلف قسم کی مزیدار ڈشز سے بھری ہوئی۔
اداکار کی پلیٹ میں بھنی ہوئی زچینی، گاجر، برسلز اسپراؤٹس، بھنڈی، لال اور ہری شملہ مرچ، تندوری چکن ٹکا، بروکولی، سبز پھلیاں، مونگ کی دال اور سلاد سب تھوڑی تھوڑی مقدار میں دیکھا جا سکتا ہے۔
ریتک روشن نے اپنی ایک اور تصویر بھی شیئر کی جس میں اُنہوں کیلا اور باریک باریک کٹا ہوا چکندر کھاتے دیکھا جا سکتا ہے۔
اُنہوں نے اپنی پوسٹ کے کیپشن میں لکھا کہ کم کھاؤ اور بہتر انداز میں محبت کرو لیکن کھانے کی پلیٹ کو اس طرح تیار کرو کہ بڑی لگے۔
اس کا مطلب یہ ہے کہ ریتک روشن کی فٹنس کا ایک راز یہ بھی ہے کہ وہ سب کچھ تھوڑی تھوڑی مقدار میں کھاتے ہیں۔
اگر ان کی کھانے کی پلیٹ کا بغور جائزہ لیا جائے تو یہ بات بھی نوٹس میں آ جائے گی کہ اُنہوں نے سب ڈشز کا انتخاب بہت سوچ سمجھ کر اپنے لیے ایک متوازن غذا تیار کرنے کے لیے کیا ہے۔
اداکار کے کھانے کی پلیٹ میں تمام ضروری غذائی اجزاء جیسے کہ پروٹین، فائبر، وٹامنز اور اینٹی آکسیڈنٹس موجود ہیں۔
ان کی اس پوسٹ کو سوشل میڈیا صارفین کی جانب سے بہت پسند کیا جا رہا ہے۔
