فرمان الہی
نماز کے اوقات
آسٹریلین کرکٹ ٹیم کے کپتان مچل مارش پاکستان کا سرد موسم دیکھ کر حیران رہ گئے۔
مچل مارش نے بدھ کو ٹرافی کی رونمائی کی تقریب سے خطاب کرتے ہوئے اس بات کا اعتراف کیا کہ مجھے توقع نہیں تھی کہ پاکستان میں اتنی سردی ہو گی اور اسی لیے میں اپنے ساتھ یہاں زیادہ گرم کپڑے بھی نہیں لایا۔
اُنہوں نے کہا کہ میں پاکستان آ کر خوش ہوں اور یہ ٹی 20 سیریز ہماری ورلڈ کپ کی تیاری کے لیے بہت اہم ہے، ٹیم کا مقصد سیریز کو اپنے منصوبوں کو بہتر بنانے کے لیے استعمال کرنا ہے۔
مچل مارش نے کہا کہ یہاں کی کنڈیشنز میں کھیلنا آسان نہیں ہو گا لیکن ہم کنڈیشنز کی بنیاد پر اسپنرز پر حملہ کرنے کی کوشش کریں گے۔
اُنہوں نے پاکستان کے پیس اٹیک کی تعریف کرتے ہوئے یہ بھی کہا کہ پاکستان کی فاسٹ بولنگ کی شاندار تاریخ ہے، شاہین شاہ آفریدی اس وقت دنیا کے بہترین بولرز میں سے ایک ہیں اور وہ اس سیریز اور ورلڈ کپ میں ہمارے لیے ایک بڑا چیلنج ہوں گے۔
