فرمان الہی
نماز کے اوقات
چارسدہ کے ڈسٹرکٹ ہیڈ کوارٹر (ڈی ایچ کیو) اسپتال کے فیڈر سے ماہانہ 30 لاکھ روپے کی بجلی چوری کا انکشاف ہوا ہے۔
ایکسین پیسکو قاضی فہیم نے پریس کانفرنس میں الزام لگایا اور دعویٰ کیا کہ چارسدہ میں پولیس اور انتظامیہ کے افسران اسپتال کے اسپیشل فیڈر سے بجلی چوری کر رہے تھے۔
پیسکو افسر نے مزید کہا کہ 7 گھر ماہانہ 30 لاکھ روپے کی بجلی چوری کر رہے تھے، جن کے کنکشن کاٹ دیے گئے ہیں۔
ایکسین پیسکو نے یہ بھی کہا کہ خطرناک صورتحال اس وقت سامنے آئی جب بجلی منقطع کرنے کےعمل میں پی ایم ٹی والا کھمبا ہی نیچے جاگرا، بجلی کاٹنے والا پیسکو اہلکار خوش قسمتی سے محفوظ رہا۔
پیسکو افسر نے کہا کہ دوسرے فیڈر کے کنکشن پر میٹرز موجود ہیں لیکن ریڈنگ لینے نہیں دی جاتی، پولیس حکام اور انتظامیہ کے افسران پر لاکھوں روپے کے بل بقایاجات ہیں۔
ایکسین پیسکو کا کہنا تھا کہ چیف سیکریٹری اور پیسکو حکام کو صورت حال سے آگاہ کیا جائے گا۔
