فرمان الہی
نماز کے اوقات
امیرِ جماعتِ اسلامی کراچی منعم ظفر خان نے کہا ہے کہ اہلِ کراچی اس حکومت سے جان چھڑانا چاہتے ہیں۔
کراچی میں پریس کانفرنس کرتے ہوئے امیرِ جماعتِ اسلامی کراچی منعم ظفر خان نے کہا کہ یہ حکومت 18 برسوں سے صوبۂ سندھ پر حکومت کر رہی ہے۔
انہوں نے کہا کہ شارعِ فیصل پر ہمارے 4 گھنٹے کے احتجاج سے ان کی چیخیں نکل گئی ہیں۔
منعم ظفر خان نے بتایا ہے کہ ریڈ لائن، کبھی کریم آباد انڈر پاس، انہوں نے پورے شہر کو کھنڈر بنا دیا ہے اور انہیں پریشانی ہے کہ شارعِ فیصل کیوں بند کی۔
امیرِ جماعتِ کراچی نے کہا ہے کہ آپ نے ایف آئی آر کاٹی، اب دہشت گردی کی دفعہ لگانے کا شوق پورا کر لیں۔
انہوں نے کہا ہے کہ ایم کیو ایم ،پیپلز پارٹی اور ن لیگ کو اس شہر کی کوئی فکر نہیں ہے۔
منعم ظفر نے کہا ہے کہ الیکشن کمیشن نے ہمارے ساتھ کھلواڑ کیا، فارم 45 کی بنیاد پر ٹریبونل میں مقدمات چل رہے ہیں، 8 فروری کو الیکشن کمیشن کے دفتر کے باہر پریس کانفرنس کی جائے گی۔
جماعتِ اسلامی کے رہنما نے اعلان کیا ہے کہ 14 فروری کو شام 4 بجے سندھ اسمبلی کے باہر دھرنا ہو گا۔
